ٹین بلین ٹری سونامی

تحریر: عامر بیگ 

درخت لگانا صدقہ جاریہ ہے۔ درختوں کی کثرت سے ماحول خوشگوار ہوتا ہے۔ 

یہاں تک اکثر لوگوں  کا کہنا ہے کہ ڈپریشن کے دوران کسی سر سبز میدان میں یاپارک میں چہل قدمی کرنے سے کافی سکون ملتا ہے۔ 

وزیراعظم عمران خان کے ماحول دوست اقدامات کی عالمی سطح پر دھوم مچ چکی ہے۔ 

پاکستان میں بد قسمتی سے 2013 کے الیکشن سے پہلے درخت کاٹنے کا تناسب درخت لگانے سے زیادہ تھا۔ مگر زبردست دوراندیش سوچ کے ساتھ وزیراعظم عمران خان نے اس معاملے پر خصوصی فوکس کیا ۔ 

اور خیبرپختونخوا میں اسوقت کے وزیراعلی پرویز خٹک کو ایک ارب درخت لگانے کا مشکل ترین ٹاسک دیا۔ 

بہت سارے مخالفین کے ساتھ ساتھ خود پی ٹی آئی کے لوگ بھی ایک ارب درخت کے ٹارگٹ کو ناممکن سمجھ رہے تھے۔ مگر پھر چند ہی سالوں میں بظاہر ناممکن لگنے والا کام ممکن ہو گیا۔ تقریباً ایک ارب درختوں کی تصدیق ملکی اداروں سمیت غیر ملکی اداروں نے بھی کی۔ 

درخت لگانا دنیا اور آخرت دونوں کا فائدہ ہے۔ ہماری تمام پاکستانیوں سے اپیل ہے کہ ہر شخص کم از کم ایک درجن درخت لگائے۔ اس کے لیے آپ نہروں  ، شاہراؤں ، اور دیگر دستیاب جگہوں کا انتخاب کر سکتے ہیں۔ 

وزیراعظم عمران خان سے گزارش ہے۔ آیندہ پندرہ سالوں میں پورے ایشیا میں دو سو ارب درخت لگانے کے لیے مختلف ممالک اور اقوام متحدہ جیسے اداروں کو شامل کر کے جامع منصوبہ بندی کی جائے۔ اور اس کام کے لیے ہنگامی بنیادوں پر 

اقدامات کیے جائیں۔ 

وزیراعظم عمران خان کو ہم پاکستان میں ٹین بلین ٹری سونامی کے تحت دس ارب درخت 

لگانے کا منصوبہ بنانے پر خراج تحسین پیش کرتے ہیں۔ اور اللہ سے دعا ہے کہ پاکستان میں ہر طرف ہرا بھرا، شفاف خوشگوار ماحول بن جائے۔ آمین